У Рэйк’явіку прайшоў матч у адказ першага кваліфікацыйнага раўнду Лігі Еўропы.
У Рэйк’явіку прайшоў матч у адказ першага кваліфікацыйнага раўнду Лігі Еўропы. Мясцовы «Фюлкір» прымаў жодзінскае «Тарпеда».
У першай гульні беларусы перамаглі 3:0, стварыўшы сабе добры задзел на выезд у Ісландыі. І да гонару жодзінцаў, задзел гэты яны не разгубілі.
Хоць ісландцы і адкрылі лік з пенальці на 32‑ой хвіліне. Праўда, яшчэ да перапынку Юры Астравух адквітаў мяч.
У другім тайме жодзінцы змаглі вырваць перамогу. У апошнюю дзесяціхвілінку два галы забіў украінскі легіянер Ігар Крывабок. Спачатку ён забіў з пенальці, а потым з гульні. Жодзіна перамагло — 3:1.
У наступным раўндзе супернікам «Тарпеда» будзе сербскі клуб ОФК. 15 ліпеня матч пройдзе ў Сербіі, а праз тыдзень — у Беларусі.
З сербамі беларускія каманды апошні раз сустракаліся ў 2004 годзе. Мінскае «Дынама» ў Кубку Інтэртота перамагло па суме двух матчаў «Сартыд» з Смердзева.
Каментары