Міжнароднае рэйтынгавае агенцтва Standard & Poor’s (S&P) прысвоіла дэбютнаму выпуску беларускіх аблігацый, які плануецца, папярэдні доўгатэрміновы рэйтынг прыярытэтнага незабяспечанага доўгу «В+». Раней у якасці мінімальнага аб’ёму выпуску называлася сума 500 млн. долараў, тэрмін размяшчэння — бягучы тыдзень.
Паводле паведамлення агенцтва, якое прыводзіць РІА Новости, S&P таксама прысвоіла выпуску, які плануецца, рэйтынг аднаўлення «4». Гэты ўзровень рэйтынгу азначае, што агенцтва ацэньвае верагоднасць аднаўлення эмітэнта ў выпадку дэфолту па аблігацыях у 30–50%.
«Значэнні рэйтынгаў Беларусі прысвоеныя ў сувязі з нашай ацэнкай слабых паказальнікаў ліквіднасці і тых, якія пагаршаюцца, высокіх значэнняў дэфіцыту бягучага балансу і пастаянных праблем ва ўзгадненні цэн энерганосьбітаў, якія імпартуюцца з Расіі», — гаворыцца ў паведамленні агенцтва.
Рэйтынг «B» азначае «больш высокую ўразлівасць пры наяўнасці неспрыяльных камерцыйных, фінансавых і эканамічных умоў, аднак у цяперашні час маецца магчымасць выканання даўгавых абавязацельстваў у тэрмін і ў поўным аб’ёме». Знак «плюс» ці «мінус» абазначаюць прамежкавыя рэйтынгавыя катэгорыі у адносінах да асноўных катэгорый.
Еўрабонды (еўрааблігацыі) — разнавіднасць доўгатэрміновых каштоўных папер. Гэта даўгавыя абавязацельствы, якія цыркулююць на рынку еўравалют. Пазычальнікамі, якія выпускаюць еўрабонды, выступаюць урады, карпарацыі, міжнародныя арганізацыі, якія зацікаўлены ў атрыманні грашовых сродкаў на працяглы тэрмін (ад 7 да 40 гадоў). Размяшчаюцца еўрабонды інвестыцыйнымі і камерцыйнымі банкамі. Яны з’яўляюцца адным з найбольш надзейных фінансавых інструментаў. Таму асноўнымі іх пакупнікамі з’яўляюцца інстытуцыянальныя інвестары: страхавыя і пенсійныя фонды, інвестыцыйныя кампаніі. Беларусь планавала размясціць еўрабонды на 1 млрд. Урадам у якасці сумесных арганізатараў па размяшчэнні еўрааблігацый Рэспублікі Беларусь прызначаны чатыры замежныя банкі: BNP Paribas, Deutsche Bank AG, The Royal Bank of Scotland plc і ААТ «Ашчадны банк Расіі».
12–16 ліпеня дэлегацыя ў складзе кіраўнікоў Мінфіна, Міністэрства эканомікі і Нацыянальнага банка Беларусі правяла сустрэчы з інвестыцыйнымі кампаніямі Вялікабрытаніі, Германіі, Швейцарыі і Аўстрыі па пытаннях выпуску еўрабондаў.
19 ліпеня Мінфін паведаміў, што на працягу тыдня Беларусь плануе прыняць рашэнне адносна выпуску еўрабондаў.
21 ліпеня
Дзмірый Уласаў, БелаПАН.
Каментары