У суботу ў Зэльве адзначаць 100-годдзе пісьменніцы.
У суботу ў Зэльве адзначаць 100-годдзе пісьменніцы.
Урачыстасць пачнецца а 10 гадзіне ў мясцовай Троіцкай царкве з памінальнай малітвы. У храме адкрыюць выставу, прысвечаную жыццю і творчасці пісьменніцы.
Затым землякі і госці мерапрыемства прымуць удзел у адкрыцці мемарыяльнай шыльды на доме на Савецкай вуліцы, дзе з 1956 да 1983 гадоў жылі Ларыса і Янка Геніюшы.
А 14 гадзіне ў Зэльвенскім РДК пройдзе літаратурная імпрэза з прэзентацыяй двухтомнага збору твораў Геніюш і біяграфічнага альманаха «Асоба і час», цалкам прысвечанага ёй.
У першы том збору твораў увайшлі вершы і паэмы, скампанаваныя храналагічна. Другі том складаецца з прозы і эпісталярнай спадчыны. Гэта аўтабіяграфічны нарыс «Сто ранаў у сэрца», які ў кніжных выданнях не друкаваўся, дакументальная аповесць «Споведзь», 160 лістоў паэткі да знаёмых і сяброў.
Завершацца юбілейныя ўрачыстасці на зэльвенскіх могілках, дзе ўскладуць кветкі і вянкі да магілаў Ларысы і Янкі Геніюшаў.
Цяпер чытаюць
«Памеры палохаюць». Як выглядае знутры новаадкрыты гандлёвы цэнтр у «Мінск-Свеце» ФОТЫ13
Каментары