Папярэдні рэкорд трымаўся з 1946 года.
На ўсходзе Беларусі ў сераду слупок тэрмометра сягаў адзнакі плюс 35–37°C,
паведаміла галоўны сіноптык Рэспубліканскага гідраметэацэнтра Вольга Фядотава.
На мэтэастанцыях КасцюковічыM Магілёўскай вобласці і Брагін Гомельскай вобласці дасягнутыя рэкордныя тэмпературы паветра дня 4 жніўня: у Касцюковічах было +37,5°C, у Брагіне — +37,9°C. Пры гэтым тэмпература паветра ў Брагіне стала новым рэкордам гэтага лета.
Ранейшыя тэмпературныя рэкорды ў Брагіне і Касцюковічах утрымліваліся з 1946 года.
Высокія тэмпературы паветра адзначаліся на мэтэастанцый Азярышча, Віцебск, Орша, Сянно, Горкі, Слаўгарад, Чачэрск — ад 36,8 да 37,5 °C. Тут таксама пабітыя абсалютныя рэкорды лета.
У заходняй частцы Беларусі (Брэсцкай і Гродзенскай абласцях) тэмпература паветра ўчора днём складала 21–25°C.
Найхаладней было ў Брэсце — +20,5°C.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі2
Каментары