Менеджар па фарміраванні турпрадукту, якая працавала па дагаворы падраду ў ПУП "Свет фантазій", падманула 24 турысты на $20 тыс. Пра гэта паведаміў намеснік дырэктара дэпартамента па турызме Міністэрства спорту і турызму Беларусі Андрэй Мартынаў.
На ПУП "Свет фантазій" паступіла скарга ад турыста, які за дзень да вылету выявіў, што прадстаўніца турфірмы выдала яму фальшывыя авіябілеты. Усяго ж ад дзейнасці менеджара пацярпелі 24 турысты. На яе заведзена крымінальная справа па факце махлярства. "Гэта адна з самых буйных афер, якія адбыліся за апошнія гады на турыстычным рынку Беларусі", — прызнаў Андрэй Мартынаў. Так, менеджар заключала дамовы проста ў офісе турфірмы,
а дырэктар і чатыры супрацоўніцы, паводле іх слоў, нават не здагадваліся аб махлярстве.
Прычым каб падмануць турыстаў, яна сканіравала сапраўдныя дакументы (напрыклад, авіябілет), непрыкметна прастаўляючы ў іх іншыя прозвішчы і даты.
Як расказала дырэктар турфірмы Таццяна Камароўская, да суда вяртаць грошы турыстам яна не плануе.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары