Спёка і не думае здавацца.
Паводле прагнозаў Рэспубліканскага гідраметэацэнтра, у найбліжэйшыя суткі, 7 жніўня, у Беларусі чакаецца пераменная воблачнасць. Месцамі кароткачасовыя дажджы, навальніцы. Ноччу і раніцай у асобных раёнах слабы туман. Вецер паўднёва-ўсходні 4—9 м/с, парывы да 14 м/с. Тэмпература паветра ноччу 18—24°С,
днём ад 30°С па захадзе да 39°С па ўсходзе краіны.
У Мінску 7 жніўня пераменная воблачнасць, без істотных ападкаў. Вецер паўднёва-ўсходні 4—9 м/с, днём парывы да 12 м/с. Тэмпература паветра ноччу
20—22°C, днём 35—36°C.
У наступныя двое сутак, 8—9 жніўня, у Беларусі чакаецца пераменная воблачнасць. 8 жніўня ноччу месцамі, а днём па заходняй палове рэспублікі кароткачасовыя дажджы, навальніцы, у асобных раёнах моцныя ліўні, месцамі магчымы град. Вецер пераменных напрамкаў 4—9 м/с, пры навальніцах парывы да 15—22 м/с. Тэмпература паветра ноччу 17—24°С,
днём 28—34°С, па ўсходняй палове 35—39°С, у крайніх заходніх раёнах Брэсцкай і Гродзенскай абласцей 24—27°С.
9 жніўня ноччу на большай частцы тэрыторыі, днём месцамі кароткачасовыя дажджы, навальніцы, у начныя гадзіны ў асобных раёнах моцныя дажджы. Вецер паўднёва-ўсходні з пераходам на заходні 5—10 м/с, пры навальніцах месцамі парывы да 15—20 м/с. Тэмпература паветра ноччу 15—22°С,
днём 23—29°С, па ўсходзе 30—34°С.
У Мінску 8 жніўня прагназуецца пераменная воблачнасць, кароткачасовы дождж, днём навальніца. Вецер пераменных напрамкаў 4—9 м/с, пры навальніцы парывы да 14 м/с. Тэмпература паветра ноччу 20—22°C,
днём каля 34°C.
Цяпер чытаюць
20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася9
Каментары