Актывісты кампаніі «Гавары праўду!» распачалі збор подпісаў за вылучэнне Уладзіміра Някляева дэлегатам Усебеларускага народнага сходу.
Актывісты кампаніі «Гавары праўду!» распачалі збор подпісаў за вылучэнне Уладзіміра Някляева дэлегатам Усебеларускага народнага сходу. Акрамя збору подпісаў актывісты займаюцца распаўсюдам лістовак. Іх закідваюць у паштовыя скрыні.
Някляеўскія лістоўкі — расейскамоўныя. Відаць, спадар Уладзімір лічыць, што ўздзеянне расійскамоўнай лістоўкі лепшае за ўздзеянне беларускамоўнай. Пры гэтым Някляеў і робіць націск на тое, што ён беларускі паэт.
На «вонкавым» баку лістоўкі пра кампанію «Гавары праўду!» нагадвае невялікая зялёная эмблема зверху ліста. Астатнюю ж плошчу займае вялікі фотаздымак, а таксама біяграфія Някляева. Сярод яго заслуг згадваецца аўтарства больш як дзесяці кніг паэзіі і прозы, а таксама вядомасць як аўтара шматлікіх папулярных беларускіх песняў. Згадваецца і стварэнне кампаніі «Гавары праўду!», але тут відавочна, што асоба лідэра і ініцыятара важнейшая за саму кампанію, прынамсі, паводле вонкавага боку лістоўкі.
На абароце актывісты «Гавары праўду!» крытыкуюць сістэму вылучэння дэлегатаў на Усебеларускі сход:
«Дэлегатаў ніколі не выбіралі — іх прызначалі мясцовыя адміністрацыі. Таму сход толькі зваўся народным, насамрэч гэта быў сход начальнікаў. Мы хочам прапанаваць вам змяніць гэты парадак». І прапануюць падпісацца за вылучэнне дэлегатам Някляева, які збіраецца надаць увагу самым хваравітым праблемам нашага жыцця:
«Што стаіць за сярэднім заробкам, і якія рэальныя даходы насельніцтва», «Колькі мы плацім за бясплатную ахову здароўя», «Як правесці сумленныя і адкрытыя выбары»
Усе тры пытанні вылучаныя
Сканчваецца лістоўка заклікам:
«Далучайцеся да тых, хто лічыць, што важкія рашэнні ў нашым жыцці павінныя прымаць толькі тыя, каго рэальна падтрымаў народ". Лістоўкі, мяркуючы па выходных звестках, выдадзеныя накладам 200 000 экзэмпляраў. Подпісы за вылучэнне ўжо збіраюцца па ўсёй краіне.
Каментары