3 верасня адкрываецца аднайменная рэспубліканская выстава сучаснага выяўленчага і дэкаратыўна-прыкладнога мастацтва.
3 верасня адкрываецца рэспубліканская выстава сучаснага выяўленчага і дэкаратыўна-прыкладнога мастацтва «Зямля пад белымі крыламі».
Гэта вялікі праект, які закране ўсю краіну. Да 15 снежня ў музеях, выставачных залах і галерэях Мінска і абласных гарадоў будуць дэманстравацца творы сучасных мастакоў.
На думку намесніка міністра культуры Уладзіміра Карачэўскага,
такое мерапрыемства «дазволіць вызначыць пошукі нацыянальнай ідэнтычнасці».
Адметна, што будзе праводзіцца абмен выставамі сярод абласцей. Гэта рэдкая магчымасць паглядзець, напрыклад, у Гродне дасягненні мастакоў з Брэсчыны.
Афіцыйнае адкрыццё «Зямлі пад белымі крыламі» пройдзе 3 верасня ў Нацыянальным мастацкім музеі. Для гэтай падзеі нават знялі некаторыя пастаянныя экспазіцыі. Тут будуць выстаўлены работы звыш 300 аўтараў. Гэта народныя мастакі Беларусі, лаўрэаты Дзяржаўнай прэміі. Асобную экспазіцыю складуць стыпендыянты спецыяльнага фонду прэзідэнта па падтрымцы таленавітай моладзі. Выстаўляюцца і творы, набытыя музеем за апошнія дзесяць гадоў.
«Я задаволены, што з прыходам Паўла Латушкі з новай камандай у Мінкультуры выяўленчае мастацтва пастаўлена на такі самы ўзровень, як і тэатральнае, і эстраднае»,
— адзначыў дырэктар Нацыянальнага мастацкага музея Уладзімір Пракапцоў. Па яго словах, гэта дазволіла павялічыць фінансаванне на закупку твораў у айчынных мастакоў.
Уладзімір Карачэўскі сказаў, што на 2011 год на гэтыя мэты «нам даюць значную суму». Але пакуль яе чыноўнік не спяшаецца агучваць.
«Прыйшоў час паглядзець на тое, што адбываецца, каб рухацца далей — лічыць прарэктар на навуковай рабоце Акадэміі мастацтваў Міхаіл Баразна. —
Гэта не агляд Саюза мастакоў — гэта агляд мастацтва Беларусі».
Анжаліка Мельнікава тыдзень правяла на Шры-Ланцы і вылецела з дзецьмі ў Дубай37
Каментары