«Паміж ідэалогіяй і штодзённасцю: жыццё праз прызму савецкай ідэалогіі».
«Паміж ідэалогіяй і штодзённасцю: жыццё праз прызму савецкай ідэалогіі».
Гэтым разам усе жадаючыя змогуць даведацца аб штодзённым жыцці гродзенцаў 1940-1970-х гг. Гэта быў час пасляваеннай адбудовы, час узнікнення новай ідэалагічнай сістэмы, якая пранікала ва ўсе сферы жыцця нашага горада і выражалася не толькі ў помніках Леніну, Сталіну, якіх багата было на нашых вуліцах.
Гэта быў час магутных ідэалагічных святкаванняў (100 год Леніну, 50 год СССР і БССР і інш.), суцэльных чырвоных дзён календара і многага іншага, што назаўсёды сышло (ці амаль сышло) ў мінулае. Між тым, гродзенцы працягвалі жыць сваім звычайным жыццём, любілі пасядзець у неіснуючых цяпер піўных і кавярнях і дасылалі сваім сваякам дзе-небудзь у Новасібірску купленыя на Грандзіцкім рынку польскія сумачкі, або іншыя вырабы замежнай лёгкай прамысловасці.
Па паваенным савецкім Гродне нас правядзе вядомы гродзенскі краязнаўца, вялікі патрыёт свайго горада Віктар Саяпін.
Экскурсія пройдзе у суботу 2 кастрычніка. Збор аб 11-й гадзіне каля экрана на Савецкай плошчы.
Экскурсіі праводзяцца ў межах праекта «У пошуках гісторыі: паўсядзённае жыццё савецкага Гродна». Папярэдняя экскурсія была прысвечана падзеям у Гродне ў верасні 1939 г.
Экскурсіі цалкам бясплатныя.
Каментары