Упершыню ў гісторыі зборная трапіла ў паўсотні найлепшых зборных.
У свежым рэйтынгу FIFA зборная Беларусі ўзнялася на 42-е месца. Наша каманда скочыла адразу на 13 пазіцый наверх, з 55-ага месца. Такі пад'ём дасягнуты дзякуючы перамозе над Албаніяй (2-0) і нічыі з Люксембургам (0-0).
У выніку Беларусь апынулася на самым высокім месцы ў сваёй гісторыі.
Ранейшы рэкорд пратрымаўся месяц.Папярэдні быў зафіксаваны ў чэрвені-верасні 2008 года. Тады каманда дабралася да 57-ага месца.
На першых пазіцыях у рэйтынгу Іспанія, Галандыя, Бразілія, Германія і Аргентына. Супернікі нашай зборнай у адборачным цыклы да чэмпіяната Еўропы на наступных пазіцыях: Францыя (18-е), Румынія (50-е), Боснія і Герцагавіна (53-е), Албанія (65-е) і Люксембург (135-е).
Цікава, што
Беларусь апынулася на другім месцы ў адборачнай групе і па рэйтынгу, і па выніках гульняў.
Сярод суседзяў вышэй за нас Расія і Украіна. Яны знаходзяцца на 10-м і 35-м месцах адпаведна. Літва на 48-м, Польшча і Латвія на 69-м і 72-м месцах адпаведна.
Наступны рэйтынг будзе апублікаваны 17 лістапада.
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння4
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары