Лукашэнка зноў выказаўся пра нараджальнасць і паказаў абазнанасць у памперсах
Аляксандр Лукашэнка лічыць неабходным стымуляваць у краіне нараджальнасць. На гэты момант ён асабліва звярнуў увагу ў час нарады аб стане і перспектывах развіцця анкалагічнай дапамогі ў Беларусі.
«Калі мы не будзем стымуляваць нараджальнасць, прычым не проста
а як мінімум тры, каб быў прырост, мы не будзем мець перспектывы як дзяржава»,
— адзначыў ён.
«Таму тут мы сканцэнтруем усё. І самыя вялікія льготы будуць прадастаўлены тым, у каго трое дзяцей», — сказаў кіраўнік дзяржавы. У прыватнасці, ён адзначыў, што ў гэтым выпадку размова можа ісці аб бясплатнай трохпакаёвай кватэры. Акрамя таго, шматдзетным сем’ям могуць быць аказаны і іншыя льготы. Напрыклад, на ўтрыманне і выхаванне дзяцей, добраўпарадкаванне кватэры.
«Кватэра — гэта добра, але сёння нятанна каштуе яе ўтрымліваць. Таму тут трэба будзе льготы шматдзетным сем’ям у залежнасці ад іх даходаў прадастаўляць. І, выбачайце, памперсы нятанна каштуюць.
Калі нармальна сёння маленькае дзіця гадаваць, ведаеце, $300 — гэта мінімум.
Пачынаючы ад дзіцячага харчавання і заканчваючы гэтымі памперсамі. Таму патрэбны і дапамогі на дзяцей адпаведныя. Тут гэта вяршыня», — лічыць ён.
Лукашэнка таксама адзначыў, што ў іншых пытаннях, якія датычацца дапамогі дзіцяці, сітуацыя ў дзяржаве нядрэнная.
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
-
Анколаг Каранік выступіў з дакладам аб захаванні буйной рагатай жывёлы
-
Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах
Каментары