З 29 па 31 кастрычніка ў Мінску пройдзе акцыя «Сцяна», скіраваная на прыцягненне грамадскай увагі да праблемы гвалту ў сям’і. Ініцыятарам праекта выступіла група студэнтаў.
Як паведаміла адна з арганізатараў акцыі Лілія Некрашэвіч, месцам яе правядзення абраны гіпермаркет «Гіпа» па вуліцы Ракасоўскага — тут сёння ўстановяць сцяну, на якой адным радком будуць апісаныя гісторыі ахвяр бытавога насілля.
Паводле задумкі арганізатараў, цагляная сцяна — гэта своеасаблівае ўвасабленне страхаў: асуджэнне грамадства, помста мужа, адсутнасць веры, якія перашкаджаюць пацярпелым жанчынам пачаць вырашаць праблему насілля ў сваёй сям’і.
Падчас правядзення акцыі валанцёры будуць раздаваць буклеты з інфармацыяй пра арганізацыі, якія дапамагаюць у вырашэнні канфліктных сітуацый у сям’і, аказваюць псіхалагічную, юрыдычную і медыцынскую дапамогу.
Кульмінацыяй мерапрыемства і знакам пратэсту супраць бытавога гвалту ў дачыненні да жанчын
стане публічнае разбурэнне сцяны 31 кастрычніка ў 17.00.
«Распрацоўваючы канцэпцыю нашага праекта, мы хацелі больш даступна расказаць пра магчымасці абароны, дапамогі і сродках рэабілітацыі, матываваць пацярпелых звяртацца па дапамогу», — растлумачыла Лілія Некрашэвіч.
У падтрымку акцыі «Сцяна» выступілі Мінскі гарадскі цэнтр сацыяльнага абслугоўвання сям’і і дзяцей, ГА «Радзіслава», праграма «Ла Страда» і іншыя арганізацыі.
-
Шаметавец: Пасля знікнення ні Мельнікава, ні ад яе імя на «Кіберпартызанаў» не выходзілі. Яна не мае чым нас шантажаваць
-
Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі
-
«Кіберпартызаны»: Не трэба раздзімаць паніку, што рэжым усё можа ўзламаць, прачытаць, пра ўсё даведацца. Не, не можа
Чакаецца новы раўнд перамоваў між Беларуссю і ЗША — літоўскі СМІ9
Каментары