Мінадукацыі: Кожнай школе праз паўтара года неабходна мець шырокапалосны доступ у інтэрнэт
Такую думку дырэктар галоўнага
Паводле слоў Лістапада,
на 1 кастрычніка шырокапалосны доступ у інтэрнэт мелі прыблізна 21% школ (43% гарадскіх і 9% сельскіх). У цэлым доступам у сусветную сетку забяспечаны 87% школ.
Мінадукацыі звярталася з гэтай праблемай у РУП «Белтэлекам», аднак там паабяцалі яе вырашыць да 2015 года. У «Белтэлекаме», зазначыў Лістапад, далі спіс школ, якія маюць тэхнічныя магчымасці, але не падключаюцца да паслугі, хаця кошт яе сёння не такі высокі — крыху больш за 100 тыс. рублёў у месяц.
Разам з тым, паводле слоў спецыяліста, у хуткім часе сістэма адукацыі плануе выйсці на кіраванне з электронных носьбітаў. Размова ідзе аб адзіным дакументаабароце, які не прадугледжвае папер. Апрача таго, Лістапад выказаўся аб неабходнасці стварэння адзінага інфармацыйнага адукацыйнага асяроддзя, якое аб’яднае ўстановы адукацыі і органы кіравання адукацыяй.
«Калі ў школы няма тэхнічных магчымасцяў падключэння, то, упэўнены, яны з’явяцца ў самы хуткі час дзякуючы развіццю сотавай сувязі», — сказаў Лістапад. Ён заўважыў, што Мінадукацыі плануе абмеркаваць з мабільнымі аператарамі ўвядзенне спецыяльнага «школьнага» тарыфу для аплаты інтэрнэта.
Як паведаміў Лістапад, сёння ў беларускіх школах прыкладна 40 тыс. камп’ютараў.
Іх колькасць узрасла амаль у 20 разоў з 1996 года, калі ў школах было прыкладна 2,5 тыс. камп’ютараў. На адзін камп’ютар прыпадае 18–19 школьнікаў (28 — у 2006 годзе). Паводле яго слоў, 66% настаўнікаў выкарыстоўваюць інфармацыйныя тэхналогіі ў працэсе навучання (48% — у 2006 годзе).
Цяпер чытаюць
У 55 гадоў памёр стваральнік брэнду Serge Сяргей Атрошчанка10
Каментары