У мэтах развіцця ўязнога турызму ў Беларусь пажадана знізіць кошт віз для іншаземцаў, паведаміў у панядзелак журналістам памочнік прэзідэнта Беларусі па пытаннях фізічнай культуры, спорту і развіцця турызму Ігар Заічкоў.
«Калі мы хочам развіваць уязны турызм, трэба, каб у краіну маглі прыехаць як заможныя турысты, так і падарожнікі з меншым дастаткам», — сказаў Заічкоў.
Па словах памочніка прэзідэнта, многія замежныя турысты, пабываўшы ў розных экзатычных краінах, хочуць чагосьці новага. Беларусь можа стаць для іх прыемным адкрыццём.
У той жа час для развіцця ўязнога турызму ў Беларусі існуюць усякага роду перашкоды, у прыватнасці высокі кошт віз для іншаземцаў, асабліва ў аэрапортах. Зараз Міністэрства спорту і турызму распрацоўвае праект указа аб развіцці ўязнога турызму.
Разглядаюцца некалькі варыянтаў: адмена віз, адмена консульскіх збораў і зніжэнне кошту віз.
«У той жа час мы не хочам патрапіць у сітуацыю, пры якой Беларусь адменіць візы для, напрыклад, грамадзян Еўрасаюза, а ЕС гэтага не зробіць», — падкрэсліў Ігар Заічкоў.
Таму неабходна знайсці залатую сярэдзіну, якая б улічвала інтарэсы як дзяржавы, так і саміх турыстаў.
-
Праязны на два віды грамадскага транспарту Мінска цяпер каштуе 114 рублёў, а праязны на 5 відаў — 98 рублёў
-
У фонда, куды прыходзілі грошы для Каардынацыйнай рады, з'явіўся новы кіраўнік замест зніклай Мельнікавай
-
Канфлікт у Organic Maps. Як адгалінаванне ад афлайн-мапы Мельнічка трапіла «пад санкцыі» і што цяпер будзе
Цяпер чытаюць
У фонда, куды прыходзілі грошы для Каардынацыйнай рады, з'явіўся новы кіраўнік замест зніклай Мельнікавай4
Каментары