Фільм «Няскораная» зняты тэлеканалам «Белсат» да100-х угодкаў нараджэння вялікай беларускі. У прэм’ерным у нашым годзе паказе возьме ўдзел Міхась Скобла — адзін з аўтарам фільма, паэт, даследчык жыцця Ларысы Геніюш
Фільм «Няскораная» пра тое, чаму краіна, якой таленавіты чалавек прысвяціў жыццё, дзеля якой тварыў і пакутаваў, сарамліва адсланяецца ад яго? Чаму Ларысе Геніюш не знайшлося месца ў нацыянальнай літаратуры?
Чаму ейны драматычны лёс дагэтуль не дачакаўся гістарычнага даследавання? Чаму сталася немагчымаю рэабілітацыя жанчыны, віна якой — усяго толькі адданая любоў да Айчыны? Чалавек у жорнах эпохі. Чалавек, якога Радзіма не ратавала нідзе і ніколі.
Фільм зняты з выкарыстаннем тэхнікі інсцэнізацыі: маладую Ларысу Геніюш у Зэльве і Празе грае акторка. Стужка багатая рэдкімі здымкамі і дакументамі, пры яе стварэнні выкарыстоўваліся ўнікальныя кадры кінахронікі, якія паказваюць Ларысу Геніюш, і аўдыёзапісы, на якіх паэтка чытае свае вершы.
У фільме розныя людзі дзеляцца ўспамінамі пра таленавітую суайчынніцу. Гэта і Уладзімір Арлоў, Аляксей Пяткевіч, Міхась Чарняўскі, Данута Бічэль, і землякі паэткі, ейны ўнук ды іншыя.
Пасля прагляду фільма адбудзецца прэзентацыя двухтомніка «Ларыса Геніюш», якія пабачылі свет сёлета, а таксама альманаха «Асоба і час».
У прэзентацыі возьмуць удзел вядомыя гарадзенскія творцы.
Пачатак паказу —
серада, 24 лістапада, 18.30
па адрасе: Гродна, Будзённага