Новы Жыллёвы кодэкс увойдзе ў сілу не раней за 2012 год
паведаміла 22 лістапада журналістам старшыня пастаяннай камісіі па жыллёвай палітыцы, будаўніцтве, гандлі і прыватызацыі Палаты прадстаўнікоў Нацыянальнага сходу Беларусі Галіна Палянская.
Яна нагадала, што 24 лістапада праект Жыллёвага кодэкса плануецца разгледзець у першым чытанні на пленарным пасяджэнні Палаты прадстаўнікоў.
«Паводле самых аптымістычных прагнозаў, дакумент будзе прыняты ў другім чытанні вясной 2011 года. Гэта значыць уваходжанне ў сілу кодэкса можна чакаць толькі ў 2012 годзе, пры гэтым некаторыя нормы ўвойдуць у сілу яшчэ пазней», — зазначыла Палянская.
Дэпутат паведаміла, што праца над праектам доўжыцца ўжо паўгода. За гэты час у камісію паступіла больш як тысяча заўваг і прапаноў, большая частка з якіх была ўлічана.
У праекце, зазначыла парламентарый, ёсць шэраг дыскусійных пытанняў. У прыватнасці, у новым кодэксе прапісаны механізмы высялення грамадзян з дзяржаўнага жылля і кватэр, што знаходзяцца ва ўласнасці, за працяглую неаплату
«Але нікога адразу не будуць высяляць, з такімі людзьмі будуць працаваць, каб прадухіліць самыя горшыя наступствы»,
— падкрэсліла Палянская.
Пры гэтым яна зазначыла, што ўласнік кватэры ў выпадку наяўнасці вялікай запазычанасці можа сам прыняць рашэнне наконт таго, што рабіць з жыллём. У прыватнасці, ён можа прадаць кватэру, каб пагасіць даўгі.
Апрача таго, з улікам ужо наяўнай практыкі высялення неплацельшчыкаў грамадзяне атрымліваюць магчымасць пераехаць у іншае жыллё, якое ўступае па спажывецкіх характарыстыках.
«На вуліцу нікога не высяляюць», — падкрэсліла дэпутат. Яна таксама дадала, што пры наяўнасці ў сям’і неплацельшчыкаў непаўналетніх рашэнне аб высяленні будзе прымацца толькі са згоды органаў апекі і папячыцельства.
У праекце кодэкса з’явілася і норма, у адпаведнасці з якой уласнік жылога памяшкання можа выселіць былога члена сям’і ў любы час без прадастаўлення іншага жылога памяшкання. Як зазначыла Палянская, «гэтая норма з’явілася пасля шматлікіх зваротаў выбаршчыкаў».
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1010
Каментары