Дактары: У Беларусі практычна няма здаровых цяжарных жанчын
Пра гэта паведаміла дацэнт кафедры акушэрства, гінекалогіі і рэпрадуктыўнага здароўя Беларускай медыцынскай акадэміі паслядыпломнай адукацыі, кандыдат медыцынскіх навук Кацярына Пятрова 15 снежня на пасяджэнні круглага стала ў Мінску.
Паводле яе слоў, у кожнай жанчыны падчас цяжарнасці адзначаецца тая ці іншая паталогія.
Часцей за ўсё, гэта захворванні шчытападобнай залозы,страўнікава-кішачнага тракту, іншыя хранічныя захворванні, якія жанчына набывае ў дзяцінстве і юнацтве.
Апрача таго, распаўсюджаны гінекалагічныя захворванні, якія негатыўна ўплываюць на выношванне і нараджэнне дзіцяці.
Як мяркуе Пятрова, у Беларусі «не вельмі спрыяльная» сітуацыя з рэпрадуктыўным здароўем жанчын, што звязана з экалогіяй і шэрагам сацыяльных фактараў. «Дзяўчынкі рана пачынаюць палавое жыццё. Да моманту калі яны задумваюцца пра шлюб і адпаведна пра нараджэнне дзяцей, у іх ужо ёсць запас тых хвароб, якія яны набылі на працягу жыцця», — зазначыла спецыяліст.
Паводле слоў дырэктара Цэнтра рэпрадуктыўнай медыцыны
найбольш спрыяльны ўзрост для нараджэння дзяцей — 25–35 гадоў.
Пасля 35 гадоў у два разы зніжаецца верагоднасць наступлення цяжарнасці і ў два разы павялічваецца рызыка развіцця парокаў у плода. Як зазначыла Жукоўская, Сусветная арганізацыя аховы здароўя лічыць рэпрадуктыўным узрост жанчыны ад 18 да 49 гадоў.
Цяпер чытаюць
«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч2
Каментары