Несанкцыянаваныя акцыі ў цэнтры Мінска будуць спыняцца, заявіў Аляксандр Лукашэнка 17 чэрвеня на прэс-канферэнцыі для беларускіх СМІ.
Кіраўнік дзяржавы сцвярджае, што пра акцыю аўтамабілістаў "Стоп-бензін" на праспекце Незалежнасці ён даведаўся праз некалькі дзён пасля таго, як прыняў рашэнне аб паніжэнні цэн на паліва. (Акцыя прайшла 7 чэрвеня. З 9 чэрвеня па распараджэнні Лукашэнкі былі зніжаныя цэны на паліва.)
"Так, я прачытаў інфармацыю аб тым, што дзесьці хтосьці штосьці заблакаваў, але неяк нават увагі на гэта не звярнуў, таму што іншай інфармацыі хапала, больш сур'ёзнай і важнай, — заявіў Лукашэнка. — Калі мяне пра гэта праінфармавалі, то я запомніў гэтую сітуацыю і задаў міністру ўнутраных спраў пытанне: што там за акцыя была, што на некалькі гадзін прыйшлося па іншых маршрутах пускаць аўтамабілі? Ён мне пачаў расказваць. Я яму кажу: яшчэ такая акцыя — і ты без пагон. Вось уся мая рэакцыя была на гэтую акцыю".
Кіраўнік дзяржавы патлумачыў, што ён не супраць "нейкіх акцый", але — у дазволеных Мінгарвыканкамам месцах. "Мінгарвыканкам вызначыў, і ўсе азнаёмленыя згадзіліся. Там — калі ласка: на аўтамабілях, на павозках, на конях, на сабаках, што заўгодна ў межах прыстойнага праводзьце. Але калі ты блакуеш праспект Незалежнасці, палітычны праспект, і перашкаджаеш іншым людзям, на гэта трэба рэагаваць жорстка. Таму ў гэтым плане я папракнуў міністра ўнутраных спраў за някемлівасць і папярэдзіў, каб падобныя рэчы спыняліся імгненна", — заявіў Лукашэнка.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос6
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4848
Каментары