«У аднаго з членаў Мытнага саюза — Беларусі — сёння цяжкія ўмовы».
Казахстан і Расія гатовыя дапамагчы Беларусі ў выхадзе з эканамічнага крызісу, у тым ліку паўдзельнічаць у прыватызацыйных працэсах, калі будзе рух Мінска насустрач у адказ, заявіў у суботу прэзідэнт Казахстана Нурсултан Назарбаеў.
«У аднаго з членаў Мытнага саюза — Беларусі — сёння цяжкія ўмовы. Я думаю, Казахстан і Расія маглі б падтрымаць Беларусь, калі, вядома, будзе рух насустрач да нас у адказ», — сказаў Назарбаеў, выступаючы на заключным пасяджэнні Пецярбургскага міжнароднага эканамічнага форуму. Пра гэта паведамляе расійскае агенцтва РІА «Новості».
«Мы маглі б ўкласці адпаведныя інвестыцыі на мадэрнізацыю і прыватызацыю буйных аб’ектаў у Беларусі, за якія яны б атрымалі добрыя грошы для сённяшніх сваіх праблем», — адзначыў прэзідэнт Казахстана.
Раней Беларусі крэдыт выдаў Фонд ЕўрАзЭС, у якім вырашальны голас мае Расія, а істотную долю — Казахстан.
Беларусь увайшла з Расіяй і Казахстанам у Мытны саюз — любімы праект Пуціна, які мае замацаваць эканамічную прывязку гэтых краін да Расіі.
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары