Добраахвотнае таварыства аховы помнікаў выявіла чарговае парушэнне заканадаўства.
Добраахвотнае таварыства аховы помнікаў выявіла чарговае парушэнне заканадаўства.
21 жніўня ў гістарычным цэнтры Пінска былі заўважаныя земляныя працы з выкарыстаннем цяжкай землярыйнай тэхнікі, паведамляе сайт Добраахвотнага таварыства аховы помнікаў. Працы праводзяцца на ўчастку набяражнай Піны, насупраць помніка архітэктуры «Будынак былога палацу Бутрымовіча». Пры іх правядзенні закранутая плошча ў некалькі дзесяткаў квадратных метраў. Пры гэтым знішчаны культурны пласт магутнасцю да 3 м., у якім пры папярэднім візуальным аглядзе выяўлены рэшткі драўляных канструкцый.
Па звестках таварыства, працы ў гістарычным цэнтры праводзяцца без папярэдняга археалагічнага даследавання тэрыторыі і без дазволу Міністэрства культуры, а гэта — грубае парушэнне заканадаўства.
Добраахвотнае таварыства аховы помнікаў гісторыі і культуры звярнулая ў Міністэрства культуры з просьбай спыніць незаконныя працы ў гістарычным цэнтры Пінска, правесці праверку на месцы і пакараць вінаватых згодна закона.
Нагадаем, што ў ліпені гэтага года старшыня таварыства аховы помнікаў Антон Астаповіч звярнуўся з адкрытым лістом да міністра культуры Паўла Латушкі. Нагодай стаў знос гістарычнай забудовы ў Пінску, санкцыянаваны мясцовымі ўладамі.
Цяпер чытаюць
Наталля Пяткевіч — новы віцэ-прэм'ер Беларусі, Каранік — старшыня Акадэміі навук1
Наталля Пяткевіч — новы віцэ-прэм'ер Беларусі, Каранік — старшыня Акадэміі навук
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары