Шылі яго ў беларускім спецатэлье, але з італьянскай тканіны.
«Вы мяне папракаеце ў тым, што я, як насіў сіні касцюм, так і нашу ва ўмовах крызісу? Дык мне кажуць, вы будзеце выглядаць непрыгожа на фоне іншых прэзідэнтаў, тады я сказаў, добра, вы зробіце такі касцюм, каб прэзідэнт выглядаў добра», — сказаў Лукашэнка на
Па словах кіраўніка краіны, напрэс-канферэнцыю ён прыйшоў у касцюме беларускай вытворчасці, а ў былое саўмінаўскае атэлье на вуліцы Мяснікова, дзе ён замаўляў касцюм, можа зайсці кожны ахвотны.
Карэспандэнт Еўрарадыё адразу пасля гэтых слоў туды і накіраваўся. Зайсці ў атэлье сапраўды можа кожны. Мяне сустракаюць дзве жанчыны. Пытаюся пра расцэнкі.
«Касцюм двойка [пашыў] каштуе ад 760 тысяч. Пінжак ад 560. Праўда, прыходзьце пасля 4 студзеня, бо у нас пакуль склад зачынены», — ветліва адказваюць яны.
Але я кажу, што хачу касцюм акурат, як у кіраўніка краіны. І цікаўлюся пра цану.
«Пінжак каштуе 2 мільёны 100 тысяч і вышэй. З італьянскай тканіны.Дакладна не магу сказаць, з якой тканіны. У нас ёсць тканіна, можаце выбраць».
А цэлы касцюм разам з тканінай зацягне на 5 мільёнаў рублёў.
У буціку «Corneliani» усе касцюмы каштуюць у 3–6 разоў даражэй за тыя, што з атэлье. «16 — 18 мільёнаў, усё залежыць ад складу. Самы дарагі — 28 мільёнаў», — кажа прадаўшчыца.
У маечцы гэтага лэйбла кіраўніка краіны бачылі падчас камандзіровак па палях краіны, калі той сачыў за жнівом.
Варта адзначыць, што
касцюм за 500–600 даляраў — гэта сапраўды даволі эканомна для кіраўніка дзяржавы.Можна быць пэўным, што касцюмы Мядзведзева ці Назарбаева каштуюць даражэй. Тут Лукашэнка сапраўды арыентуецца на скандынаўскія ці цэнтральнаеўрапейскія стандарты стаўлення дзяржаўных асоб да сваіх расходаў. Магчыма,
факт публікацыі кошту ягонага гадзінніка (каля 15 тысяч даляраў) стаў для яго навукай.
Каментары