Увага: Беларусь сёння ноччу не пераводзіла стрэлкі гадзіннікаў 5

У ноч з 24 на 25 сакавіка Еўропа перайшла на летні час. Стрэлкі гадзіннікаў у нашых суседзяў, а 3-й ночы 25 сакавіка былі пераведзеныя на адну гадзіну наперад.

Паколькі Беларусь услед за Расіяй адмовілася ад зімовага/летняга часу, то цяпер розніцы па часе з Вільняй, Рыгай, Талінам. Кіевам зноў не будзе,

а розніца з Варшавай і Берлінам зноў будзе складаць адну гадзіну (зімой былі дзве гадзіны).

З Лонданам розніца зноў будзе складаць дзве гадзіны

Непераход на летні час азначае для беларусаў змены ў раскладзе міжнародных аўтобусных і чыгуначных маршрутаў ды авіярэйсаў. Матчы Лігі чэмпіёнаў будуць пачынацца ў камфортныя 21:45.

Разам сёння ноччу маглі самі перавесціся стрэлкі гадзіннікаў на мабільніках, або нават на камп’ютарах, у залежнасці ад праграмнага забеспячэння. У момант выстаўлення гэтай навіны ў Мінску, Гродне, Брэсце, Віцебску, Магілёве, Гомелі — 9:13 хвілін.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ