Грамадства4848

Зміцер Бандарэнка: Я не перажыў і сотай часткі таго, што Саннікаў

Палітвязня выпусцілі ў нядзелю.

Бандарэнка прыбыў на мінскі аўтавакзал «Усходні» а 14 гадзіне. Яго сустракалі каля 60 чалавек з кветкамі.

«Хрыстос уваскрос! Вызваленне палітвязняў — гэта добры знак для Беларусі,— сказаў Зміцер, як толькі прыехаў у Мінск. — Хаця ў такі дзень павінны быць вызвалены ўсе».

Пра вызваленне Саннікава ён пачуў учора а 20-й гадзіне з радыё «Свабода». «Першая мая думка была: а мне прыйдзецца чакаць два тыдні да вяртання паслоў». Але сёння раніцай прыйшоў намеснік начальніка калоніі і загадаў збірацца з рэчамі. Бандарэнка перапытаў, яго вызваляюць ці пераводзяць на этап.

«У такі дзень ніхто не стаў бы вас падманваць», — адказаў турэмшчык.

Нагадаем, сёння праваслаўныя святкуюць Уваскрасенне Хрыстова.

Зміцер Бандарэнка двойчы падкрэсліў, што не перажыў за кратамі і сотай часткі таго, што вытрымаў Андрэй Саннікаў. Ён адзначыў, што калі б ведаў, што Саннікаў напісаў прашэнне аб памілаванні ў лістападзе, і сваё прашэнне быў напісаў бы раней.

Ён расказаў, што яго спрабавалі завербаваць яшчэ ў турме КДБ.

КДБісты патрабавалі ад яго ціхага кантролю над сайтам «Хартыя’97», а таксамы адмовы ад рэдагавання каментароў на сайце.

«Такім чынам, я пацярпеў за цэнзуру», — пажартаваў ён. Бандарэнка заявіў, што не збіраецца адмаўляцца ад сваёй папярэдняй дзейнасці. «Грамадзянскую дзейнасць буду працягваць. Хацелася б, каб краіна стала свабоднай».

Выглядае Бандарэнка нармальна.

* * *

Па словах жонкі Змітра Вольгі, мужа выпусцілі з Магілёўскай калоніі сёння дзесьці а 9.15 раніцы. Падрабязнасцяў яна не ведае. Цяпер Бандарэнку вязуць на маршрутцы ў Мінск. Па інфармацыі charter97.org, Зміцер едзе лежачы праз праблемы са спіной.

Зміцер Бандарэнка прыбудзе на Усходні аўтавакзал у 13.20-13.30.

Сустрэць яго сабралася каля 50 чалавек. Сярод іх ягоная жонка, якая ўвесь гэты час змагалася за вызваленне мужа, Андрэй Саннікаў і Ірына Халіп з Данікам, а таксама бацькі Ірыны Халіп.

Саннікаў сказаў, што трохі здзіўлены: у нядзелі звычайна не вызваляюць.

Змітра Бандарэнку асудзілі на два гады калоніі за ўдзел у акцыі пратэсту 19 снежня 2010. Ён з'яўляўся даверанай асобай Андрэя Саннікава на мінулых прэзідэнцкіх выбарах. За кратамі ён перанёс дзве аперацыі. У ліпені 2011 г. яму рабілі аперацыю на хрыбетніку, выдалялі міжпазванковую грыжу. У пачатку красавіка яму выдалілі на назе абсцэс, які ўтварыўся ад падагры.

Прашэнне аб памілаванні палітвязень напісаў 1 лютага.

14 красавіка на свабоду выпусцілі Андрэя Саннікава.

Працяг будзе.

Каментары48

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Жонка пасла ў Турцыі і былога прэс-сакратара МЗС Глаза больш не вядзе ранішні эфір на БТ7

Рамзан Кадыраў ледзь не патануў на адпачынку ў Турцыі9

Крывавая страляніна: што адбываецца паміж Камбоджай і Тайландам?

«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск3

Галоўны трэнер «Нёмана» выканаў дзіўны танец пасля перамогі ў матчы Лігі канферэнцый

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць