У судзе Іван Амельчанка заявіў, што на плакаце на самай справе было напісана па-англійску My Cop Ok, што мае на ўвазе пахвалу міліцыі.
У судзе Ленінскага раёна Мінска адбыўся разгляд адміністратыўнай справы Івана Амельчанкі — аўтара плаката «Мусарок», затрыманага ўчора ў Ленінскім РУУС. На яго склалі пратакол па артыкуле 17.1 КоАП («Дробнае хуліганства»). Справу разглядаў суддзя Міхаіл Хома, паведамляе spring96.org
Як паведамлялася раней, Іван Амельчанка ўчора, 15 мая, разам з адвакатам пайшоў у апорны пункт у сталічным мікрараёне «Лошыца». Бо яму надакучыла, што міліцыянты яго ўсюды шукаюць і ў сувязі з гэтым турбуюць бацькоў і знаёмых. Адтуль яго накіравалі ў Ленінскі РАУС. Але адваката разам з Іванам не пусцілі.
Ноч Амельчанка правёў у Цэнтры ізаляцыі правапарушальнікаў на Акрэсціна.
«Паляваць» на маладога чалавека пачалі пасля шэсця на 26 красавіка. Тады ён з самаробным плакатам «Мусарок» стаў побач з адным са службістаў у цывільным, якія навязліва здымалі на камеры ўдзельнікаў мірнага, санкцыянаванага шэсця.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы47
Каментары