24 красавіка у хросны ход у гонар Бялыніцкай Маці Божай ад Магілёва да Бялынічаў выправіліся каля дзьвюх сотняў праваслаўных хрысціянаў.
24 красавіка з Магілёва ў раённы цэнтр Бялынічы пайшлі праваслаўныя хрысціяне. Іх каля дзвюх соцень, за два дні вернікам трэба прайсці 40 кілямэтраў.
Акцыя арганізавана ў гонар абраза Бялыніцкай Маці Божай, які са старажытнасці людзі лічыўся цудатворным. Сам абраз даўно страчаны, але захаваліся спісы з яго. Праваслаўныя лічаць, што і яны пазбаўляюць людзей ад горасцяў і хваробаў. На чале хроснага хода вернікі нясуць дарэвалюцыйны спіс абраза.
25 красавіка ў Бялынічах адбудзецца ўрачыстая Боская літургія.
— Я і ўсе ўдзельнікі хроснага хода жадаюць людзям, каб у іх душах было цёпла і ў сэрцах жыла любоў, — гаворыць свяшчэннік Сергій Белавус, які ідзе з хросным ходам.
Да рэвалюцыі 1917 года хросныя хады ў гонар Бялыніцкай Божай маці праводзіліся штогод. Цяпер праваслаўная царква хоча адрадзіць гэтую традыцыю.
Фота Pravoslavie.by
Юрась Зянковіч расказаў пра сваё вызваленне і шлях у ЗША6
Каментары