Галкіпер Андрэй Мезін прыняў рашэньне завершыць выступленьні за зборную Беларусі.
Пасьля заключнага матчу са зборнай Нямеччыны галкіпер нашай хакейнай дружыны Андрэй Мезін заявіў:
«Калі шчыра, думаў разьвітацца са зборнай ужо пасьля мінулага чэмпіянату. Два папярэднія форумы склаліся для мяне ўдала: хацелася скончыць на мажорнай ноце выступленьне ў нацыянальнай камандзе. Аднак у апошні момант перадумаў. Адчуваў, што патрэбны беларускай дружыне. З фэдэрацыі пастаянна тэлефанавалі, цікавіліся пра справы, падтрымлівалі.
Тым ня менш час паказаў, што лепш было застацца дома. Хутка новы сэзон, які мне давядзецца правесьці ў магнітагорскім «Мэталюрзе». Хачу сканцэтравацца на клубных справах. У зборнай Беларусі я правёў нямала выдатных гадоў. Рана ці позна, усё роўна давядзецца сысьці. Лічу, што лепш гэта зрабіць зараз».