Я сам напісаў ліст‑просьбу ў галоўны офіс карпарацыі Samsung у Сэуле і ў рэгіянальнае прадстаўніцтва ў Кіеве (у Беларусі няма фірмовага цэнтру продажу слухалак). Але «маўчаньне было мне адказам»... З пошты Рэдакцыі.
Я сам напісаў ліст‑просьбу ў галоўны офіс карпарацыі Samsung у Сэуле і ў рэгіянальнае прадстаўніцтва ў Кіеве (у Беларусі няма фірмовага цэнтру продажу слухалак). Але «маўчаньне было мне адказам»... З пошты Рэдакцыі.
І гандляр, што прадаў нам слухаўку, ня змог нават адказаць на пытаньне «Чаму ў Беларусі няма мэню тэлефона на беларускай мове?», бо гэта пытаньне не зь яго кампэтэнцыі.
Беларусь застаецца адзінай краінай у Эўропе, для якой не вырабляюцца мабільныя тэлефоны з мэню на нацыянальнай мове. Гэта проста непавага, абраза нашай краіны, разгляданьне яе толькі як тэрыторыі для збыту сваіх тавараў.
З разьвіцьцём сотавай сувязі ў Беларусі зьяўляюцца спажыўцы, якія хацелі б карыстацца слухаўкамі менавіта на сваёй мове. Я бязь цяжкасьцяў знайшоў толькі сярод сваіх знаёмых, сяброў і сваякоў паўтара дзясятку чалавек, што актыўна падтрымалі гэтую прапанову.
Лідэрам на беларускім рынку слухавак ёсьць паўднёвакарэйская карпарацыя Samsung. Яна лідзіруе і ў «беларусізацыі» — працяглы час падае слоганы сваёй прадукцыі ў вонкавай і тэлевізійнай рэкляме на беларускай мове.
Беларусізацыя тэлефоннага софту хутчэй за ўсё адбылася б праз гэтую кампанію. Яна магла б даслаць беларускамоўнае праграмнае забесьпячэньне ў Менск, у свой фірмовы рамонтна‑сэрвісны цэнтар «Асьпірс». А тэкст праграмы, як мне казалі спэцыялісты, займае каля дзьвюх старонак. Пераклад можна было б зрабіць з дапамогаю валянтэраў, напрыклад, з Таварыства беларускай мовы.
Я сам напісаў ліст‑просьбу ў галоўны офіс карпарацыі Samsung у Сэуле і ў рэгіянальнае прадстаўніцтва ў Кіеве (у Беларусі няма фірмовага цэнтру продажу слухалак). Але «маўчаньне было мне адказам». Мабыць, адна пчала мёду не наносіць... Калі б карпарацыя атрымала шмат лістоў, гэта было б падставаю ўпэўніць кіраўніцтва й зрушыць сытуацыю.
Я зьвязваўся з прадстаўніком Samsung‑у ў Беларусі, але яна не прымае рашэньні такого ўзроўню.
І зь дзяржаўных органаў, што рэгулююць дзейнасьць у галіне мабільнай сувязі, прыйшлі бюракратычныя адпіскі. Рэальным крокам было б, каб вырабнікам сотавых тэлефонаў паведамілі, што надалей у Беларусі будуць стандартызавацца толькі новыя слухаўкі, у якіх можна ўсталяваць мэню на беларускай мове. Але Дзяржкамітэт па стандартызацыі заявіў, што ня мае ўплыву на стандартызацыю слухавак, а толькі вызначае патрабаваньні да сыстэмы сувязі й рамонту сотавых тэлефонаў. Між радкоў ліста Міністэрства сувязі чытаецца, што ім ня трэба мэню ў сотавых тэлефонах на нацыянальнай мове («белорусский и русский языки ... являются равноправными, и ни один из них не является доминирующим»).
Хачу зьвярнуцца да чытачоў газэты з просьбаю даслаць лісты (пажадана па‑ангельску) у кампанію Samsung, з просьбаю распрацаваць софт для мабільных тэлефонаў у Беларусі на беларускай мове.
Адрасы для дасылкі лістоў: Інфармацыйны Цэнтар Samsung для спажыўцоў, а/с 140, Кіеў—70, УКРАІНА 04070 або: Samsung Electronics Co. Ltd, Samsung Main Bldg., 250 Taepyung Ro, 2Ga, Chung Ku, Seoul, KOREA, 100742.
Прашу таксама выказаць свае меркаваньні па гэтым пытаньні — буду рады прапановам і ўдакладненьням, якія можна даслаць мне: via123cheslav@tut.by.
Каментары