Як паведамляе прэс-служба КДБ, падчас атрыманні 25 тысяч даляраў ЗША ў якасці часткі незаконнага грашовага ўзнагароджання за спрыяльнае вырашэнне пытання па набыцці па завышаным кошце ва ўласнасць ААТ аб'екта нерухомасці, які належыць адной з камерцыйных структур Гродзенскай вобласці, кіраўнік сельгаспрадпрыемства затрыманы з доказамі злачынства. Агульная сума так званага адкату складала 50 тысяч даляраў ЗША.
У часе ператрусу па месцы жыхарства службовай асобы выяўлена і канфіскавана 232 тысячы даляраў ЗША і 10 тысяч еўра.
Непасрэдна падчас перадачы грошай быў затрыманы пасярэднік, а неўзабаве і хабарадаўца — заснавальнік фірмы, якая прадавала аб'ект нерухомасці.
У дачыненні да затрыманых упраўленнем КДБ па Брэсцкай вобласці распачата справа па прыкметах складу злачынства, прадугледжанага ч. 4 арт. 210 КК (крадзеж шляхам выкарыстання службовых паўнамоцтваў) і ч. 3. арт. 430 КК (атрыманне хабару службовай асобай, якая займае адказнае становішча, у асабліва буйным памеры).
Да затрыманых прыменена мера стрымання ў выглядзе змяшчэння пад варту.
X
