Пра гэта сёння паведаміў журналістам першы намеснік міністра юстыцыі Беларусі Валерый Кулакоўскі на прэс-канферэнцыі «Аб рабоце органаў прымусовага выканання» ў Нацыянальным прэс-цэнтры.
«Цяпер мы можам праверыць па базах, калі ў даўжніка мабільны тэлефон, і ў выпадку неабходнасці ўвесці забарону на аказанне адпаведных паслуг аператарам сотавай сувязі, у тым ліку арыштаваць і спісаць усе грошы, якія ёсць на рахунку», — сказаў Валерый Кулакоўскі.
Першы намеснік міністра юстыцыі адзначыў, што аналагічная практыка распаўсюджваецца і грамадзян, якія карыстаюцца паслугамі інтэрнэт-правайдэраў.
«Большасць людзей ужо не ўяўляюць сваё жыццё без інтэрнэту. Судовыя выканаўцы маюць тэхнічную і заканадаўчую магчымасць увесці забарону на прадастаўленне паслуг інтэрнэту для даўжнікоў. У адрозненне ад кампаній сотавай сувязі, паслугі якіх мы можам абмежаваць аўтаматызавана, дагаворы фізічных асоб з інтэрнэт-правайдэрам прыпыняюцца па нашым папяровым запытам, аднак праца па стварэнні электроннай базы дамоваў ужо вядзецца», - сказаў на заканчэнне Валерый Кулакоўскі.