Былы банкір Малькальм Тэрнбул афіцыйна ўступіў на пасаду прэм'ер-міністра Аўстраліі. Цырымонія інаўгурацыі адбылася на наступны дзень пасля адстаўкі прэм'ера Тоні Эбата.
Тэрнбул стаў чацвёртым прэм'ерам Аўстраліі за апошнія пяць гадоў. Ён абяцае палепшыць складаную эканамічную сітуацыю ў краіне, што, на яго думку, не ўдалося зрабіць ўраду Эбата.
Напярэдадні Эбат прайграў Тэрнбулу на пазачарговым галасаванні за пасаду лідара Ліберальнай партыі: 54 галасы было аддадзена за Тэрнбула, за Эбата — 44.
Абвяшчаючы пра сыход з пасады кіраўніка ўрада, Эбат заявіў, што віна ў яго заўчаснай адстаўцы шмат у чым ляжыць на яго калегах, якія яму здрадзілі, і прэсе.
0
0
0
0
0
0
