Лідары дзвюх частак падзеленага Кіпра аптымістычна настроеныя датычна перамоваў пра ўз'яднанне краіны.
Пра гэта яны заявілі на эканамічным форуме ў Давосе, паведамляе Euobserver.
«Я лічу, што 2016 можа стаць годам, у якім мы скончым з непрымальным статусам кво», — сказаў прэзідэнт Кіпра Нікас Анастасіядзіс, які кіруе грэцкай часткай выспы, што з'яўляецца дзяржавай-сябрам Еўрапейскага Саюза і еўразоны.
Лідар турак-кіпрыётаў Мустафа Акінчы адзначыў, што перамовы ўступілі ў вырашальную фазу.
«Я хацеў бы пацвердзіць цвёрдую рашучасць турак-кіпрыётаў дасягнуць дамоўленасці, што прадугледжвае федэрацыю з палітычнай роўнасцю двух зон».
Раней лідары Кіпра ўпершыню з моманту падзелу краіны запісалі сумеснае віншаванне народу з нагоды Раства.
Кіпр быў падзелены з 1974 года, калі турэцкія войскі захапілі паўночную частку краіны ў адказ на арыентаваны на Афіны пераварот.