У Мінску кіроўца-парушальнік напаў з нажом на супрацоўнікаў ДАІ, паведаміла старшы інспектар па агітацыі і прапагандзе АДАІ Фрунзенскага РУУС сталіцы Алена Волчак.
Здарэнне адбылося сёння ўначы. Праязджаючы па вуліцы Ляшчынскага, кіроўца «Хёндэ» на адным з перакрыжаванняў парушыў патрабаванні знака «Рух толькі направа» і збочыў налева. Двое інспектараў ДПС, заўважыўшы парушальніка, паспрабавалі спыніць яго, але кіроўца з'ехаў.
Мужчына заехаў у двор, зачыніўся ў машыне і папярэдзіў супрацоўнікаў ДАІ, што не выйдзе з аўтамабіля. Затым на патрабаванні інспектараў пакінуць машыну парушальнік стаў пагражаць ім нажом.
Калі праваахоўнікі паспрабавалі выцягнуць кіроўцу з аўто, ён параніў аднаго з міліцыянтаў. Другі супрацоўнік ДАІ змог абясшкодзіць мужчыну.
Агляд паказаў, што кіроўца быў п'яны: у яго крыві выявілі 1,1 праміле алкаголю.
Па факце здарэння вядзецца разбор, дзеянням затрыманага даецца прававая ацэнка.