Устаноўлены асобы двух чалавек, якія ўчынілі выбух на КПП у Грозненскім раёне Чачні, перадае РІА «Новості» са спасылкай на крыніцу ў праваахоўных структурах.
«Устаноўленыя асобы дваіх смяротнікаў. Гэта Ахмед Іналаў 1991 года нараджэння і Шаміль Джанараліеў 1989 года нараджэння. Абодва жыхары пасёлка Кірава горада Грозны», — паведаміла крыніца.
Адзначаецца, што двое мужчын былі спыненыя паліцэйскімі на падыходзе да посту. Напад быў здзейснены каля 06:30 па мясцовым часе.
«Супрацоўнікі паліцыі пацікавіліся ў іх, куды яны ідуць у такі ранні час, на што тыя адказалі, што ідуць шукаць скаціну, якая прапала. Наблізіўшыся да посту, адзін з іх прывёў у дзеянне выбуховае прыстасаванне. Другі мужчына кінуў у бок КПП гранату, пасля чаго быў знішчаны супрацоўнікамі посту», — распавяла крыніца.
«Паводле папярэдняй інфармацыі, пры выбуху пацярпелі шасцёра паліцэйскіх, двое з якіх атрымалі цяжкія раненні», — гаворыцца ў паведамленні МУС.
