Наезд адбыўся раніцай 8 чэрвеня ў сталічным раёне Сухарава, у двары дома на вуліцы Фёдарава. Пра гэта напісаў жыхар дома, у двары якога ўсё адбылося. Факт гібелі чалавека пацвердзілі ў ДАІ і СК.
Да трагічных наступстваў прывялі не дзеянні кіроўцы аўтамабіля таксі — загінулы мужчына здзейсніў суіцыд. Са словаў жыхара дома № 19, мужчына выкінуўся з акна кватэры і трапіў пад праязджаючы аўтамабіль таксі.
— Следчыя працуюць на месцы здарэння па вуліцы Фёдарава ў Мінску. Па папярэдніх дадзеных, атрыманых следствам падчас агляду, устаноўлена, што мужчына здзейсніў падзенне з вышыні, пасля чаго на яго наехала машына таксі, якая прыехала ў двор па выкліку. Асоба загінулага высвятляецца. Праца на месцы здарэння працягваецца, — паведаміў афіцыйны прадстаўнік УСК па Мінску Аляксей Клімовіч.