Росту цэнаў у сувязі з дэнамінацыяй не будзе. Пра гэта Аляксандр Лукашэнка заявіў сёння ў Гомелі, размаўляючы з прадстаўнікамі працоўнага калектыву фабрыкі «Спартак».
«Росту цэн у сувязі з дэнамінацыяй не будзе. Гэта я вам гарантую, — заявіў кіраўнік дзяржавы. — Мы за гэта адарвем галовы, калі хтосьці паспрабуе скарыстацца гэтым тэхнічным працэсам (гэта чыста тэхнічнае мерапрыемства)».
Аляксандр Лукашэнка адзначыў, што ў пэўнай ступені правядзенне дэнамінацыі мае і палітычнае адценне, асабліва з улікам правядзення Усебеларускага народнага сходу і парламенцкай выбарчай кампаніі.
0
0
0
0
0
0
