У судзе Цэнтральнага раёна Мінска працягваецца разгляд рэзананснай справы паводле абвінавачвання ў махлярстве Уладзіміра і Казбека Япрынцавых і Аляксандра Арабяна.
* * *
Мяркуючы па словах Казбека Япрынцава, яго тэлефон пачалі праслухоўваць яшчэ ў 2013 годзе, то бок за два гады да затрымання.
Казбек Япрынцаў.
У матэрыялах справы прадстаўленыя яго тэлефонныя размовы, а таксама перапіска, але толькі ў праграме What'sApp.
«Там перапіска толькі ў What'sApp. Гэты месенджар выкарыстоўваецца толькі для асабістых паведамленняў. Я думаю, усім гэта зразумела. Для дзелавой перапіскі ёсць больш абароненыя праграмы, — адзначыў Япрынцаў-малодшы. Ён таксама заявіў, што паролі, адзначаныя ў матэрыялах справы, не адпавядаюць тым, якія ён сам усталёўваў на свае тэлефоны. — Мне следчы сказаў, што яны могуць ўзламаць любы тэлефон, акрамя iPhone і яшчэ нейкага ізраільскага. У мяне быў iPhone».
Па яго словах, у матэрыялах справы перапіска праз What'sApp прадстаўлена выбарачна, каб падвесці ўсё да абвінавачання аб махлярстве.