kommersant.ru
У Чалябінскай вобласці Расіі ў верасні-кастрычніку 2017 года фіксавалася экстрэмальна высокае забруджванне навакольнага асяроддзя радыеактыўным ізатопам рутэнію Ru-106. Аб гэтым паведамляецца на сайце ведамства.
Удакладняецца, што з 25 верасня да 1 кастрычніка перавышэнне сумарнай бэта-актыўнасці ў пробах радыеактыўных аэразоляў і выпадзенняў фіксавалі ўсе пасты, размешчаныя на Паўднёвым Урале. Пры гэтым у раёне населенага пункта Аргаяш фон быў перавышаны ў 986 разоў у параўнанні з папярэднім месяцам, піша lenta.ru.
У суседнім населеным пункце Навагорны, аддаленым ад Аргаяша на 18 кіламетраў, фон быў перавышаны ў 440 разоў.
Гэтыя населеныя пункты знаходзяцца на невялікім аддаленні ад вытворчага аб'яднання «Маяк», якое займаецца, па дадзеных адкрытых крыніц, вытворчасцю кампанентаў ядзернай зброі, ізатопаў, захоўваннем і рэгенерацыяй адпрацаванага ядзернага паліва.
Расгідрамет удакладняе, што з 29 верасня па 3 кастрычніка Ru-106 быў знойдзены ў нязначных колькасцях на тэрыторыі краін Еўрасаюза. Фіксавалася воблака і над Беларуссю.
