Будынак пасольства ЗША ў Анкары быў абстраляны невядомымі з аўтамабіля белага колеру, інцыдэнт адбыўся а 5-й раніцы па мясцовым часе, паведамляе CNN Turk.
Па будынку, паводле інфармацыі тэлеканала, стрэлілі чатыры ці пяць разоў. Ніхто не пацярпеў. Было разбіта акно ў будцы аховы. Нападнікі з'ехалі, іх шукае паліцыя.
Стральба адбылася ва ўмовах пагаршэння адносін паміж Анкарой і Вашынгтонам. Сувязі паміж дзвюма краінамі сапсаваліся з-за арышту ў Турцыі амерыканскага пастара Эндру Брансана. Анкара лічыць, што ён звязаны з Рабочай партыяй Курдыстана (партыя забаронена ў Турцыі, улады лічаць яе тэрарыстычнай) і арганізацыяй прапаведніка Фетхулахам Гюленам (яго Анкара лічыць адным з арганізатараў спробы дзяржаўнага перавароту ў 2016 годзе).
0
0
0
0
0
0