Пра выпадак піша СК.
У студзені двое мужчын у стане алкагольнага ап'янення ў адной са сталічных цэркваў выкралі тумбачку з 8 тысячамі рублёў. Неўзабаве па падазрэнні ў здзяйсненні крадзяжу супрацоўнікі міліцыі затрымалі 33-гадовага і 41-гадовага мужчыну.
Момант вынасу тумбачкі трапіў на відэа
Тумбачка належала вартаўніку царквы. Ён пражываў на здымнай кватэры, таму вырашыў захоўваць свае зберажэнні ў тумбачцы ў пакоі вартаўнікоў, пра што распавёў усім, хто працаваў у царкве.
Мужчыны раней працавалі пры царкве і ведалі пра месца захоўвання грошай. Аднойчы ўвечары яны прыйшлі ў царкву, нібыта сустрэцца са старымі знаёмымі. Адзін з абвінавачаных пайшоў у туалет і разліў там вядро вады. Затым паклікаў супрацоўнікаў царквы, пры гэтым сказаўшы, што прарвала трубу. Пакуль супрацоўнікі царквы ліквідоўвалі «патоп», абвінавачаныя вынеслі тумбачку, пасля чаго змешчаныя ў ёй грошы падзялілі.
Яны затрыманыя і змешчаныя пад варту.
