kremlin.ru
Былы прэзідэнт Казахстана Нурсултан Назарбаеў будзе прызначаны ганаровым старшынёй Еўразійскага эканамічнага саюза, паведамляе «Коммерсант» са спасылкай на ўласныя крыніцы ў структурах ЕАЭС.
Мяркуецца, што адмысловая пасада будзе заснавана 29 мая ў Нур-Султане на пасяджэнні ў гонар пяцігоддзя ЕАЭС з удзелам прэзідэнтаў Расіі, Беларусі, Казахстана, Кыргызстана і Арменіі.
Пасада ганаровага старшыні дастанецца Назарбаеву, бо менавіта ён выступіў з ідэяй стварэння эканамічнага саюза, адзначаюць суразмоўцы газеты. Яго будучыя паўнамоцтвы ў рамках гэтай пасады пакуль не вызначаны, але мяркуецца, што Назарбаеў «зможа прадстаўляць ЕАЭС перад чужымі гульцамі».
0
0
0
0
0
0