Хай бы лепш гэта была памылка неадукаванага журналіста з Wall Street Journal, які пераблытаў Беларусь з Балівіяй ці Белізам. Бо калі гэта не памылка журналіста, а рэальныя планы, ад гэтага пацярпяць не толькі звычайныя грамадзяне (беларусы, якія па розных прычынах наведваюць ЗША, і грамадзяне ЗША і іх хаўруснікаў, якія наведваюць Беларусь). Самае страшнае, што пацярпіць сама Беларусі, бо такое спрэчнае рашэнне можа яшчэ больш прывязаць Беларусь да Расіі. Гэта яшчэ больш зменшыць нашу суб'ектнасць і шанцы на нармальнае цывілізацыйнае развіццё. Я буду вельмі рады, калі travel ban не распаўсюдзіцца на нас.
Але ў кожнай негатыўнай сітуацыі можна знайсці пазітыў. Нават калі travel ban і зачэпіць Беларусь, у гэтым ёсць як мінімум адзін тлусты плюс.
Можа, хаця б пасля гэтай аплявухі нашы грамадзяне нарэшце пазнімаюць ружовыя акуляры, пазбавяцца стакгольмскага сіндрому і пабачаць, як цывілізаваны свет рэальна ўспрымае Беларусь (як дзяржаву)? Можа розныя прадстаўнікі экспертных пулаў і некаторыя журналісты нарэшце перастануць жыць у ілюзіях наконт цяперашняй сітуацыі ў Беларусі, верыць у ружовых адзінарогаў, а таксама распаўсюджваць розныя казкі і бздуру ў стылі «на захадзе вельмі паважаюць Беларусь, мы станем сябрамі ЕС хутчэй, чым Украіна, а калі станем, то вельмі хутка абгонім Літву і Польшчу па ўзроўні жыцця»? Можа, калі беларусы пабачаць, што палякі могуць ездзіць у ЗША без віз, а яны, беларусы, як і грамадзяне Самалі, Эрытрэі і Емена, не змогуць туды патрапіць нават з візай, людзі нарэшце сутыкнуцца з рэальным наступствамі свайго выбару, а таксама ўдзелу (ці, хучтэй, неўдзелу) у грамадска-палітычным жыцці Беларусі, у выбары яе палітычнага курсу? Доўгі час нашы людзі жылі ў адрыве ад гэтага, яны не бачылі, як іх выбар, удзел (ці неўдзел) і геапалітычная арыентацыя могуць хоць на нешта ўплываць. Спадзяюся, што з travel ban яны гэта пабачаць і ўсвядомяць рэальныя наступствы. Шкада, што такой высокай цаной.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)