Прэм'ер-міністр Брытаніі Борыс Джонсан абвясціў пра сур'ёзныя абмежаванні, якія ўводзяцца ў Брытаніі ў сувязі з эпідэміяй каранавіруса, паведамляе BBC.
Па словах Джонсана, з гэтага часу брытанцы абавязаныя знаходзіцца дома, выходзячы на вуліцу толькі ў крайніх і дакладна абумоўленых выпадках.
Пачынаючы з вечара панядзелка выходзіць з дому будзе дазволена толькі для пакупак за таварамі першай неабходнасці, фізічных практыкаванняў (не часцей чым раз на дзень і ў адзіноце або разам з членамі сям'і), па медыцынскай неабходнасці або для паездак на працу, якая прызнаная жыццёва неабходнай.
Крамы, за выключэннем тых, дзе прадаюцца прадметы першай неабходнасці, будуць зачыненыя. Забараняюцца таксама любыя грамадскія сходы ў колькасці больш за двух чалавек.
Паліцыі дадзены ўказанні штрафаваць тых, хто не будзе выконваць гэтыя правілы, а таксама разганяць сходы людзей.
