Здарэнне адбылося ў чацвер, 24 верасня, у 11:20, паведамляе СК у сваім тэлеграм-канале.
Да памяшкання аднаго з пунктаў абмену валют у Фрунзенскім раёне падышоў невядомы. Дачакаўшыся, калі касір выйдзе з пункта на перапынак, ён падышоў да яе і пагражаючы прадметам, падобным да выбуховага прыстасавання, запатрабаваў перадаць грошы.
Забегшы назад у памяшканне, работніца банка націснула на трывожную кнопку. Пасля чаго мужчына ўцёк з месца здарэння.
Распачалі крымінальную справу па ч. 3 арт. 207 (Разбой) Крымінальнага кодэкса. Следчымі сумесна з супрацоўнікамі міліцыі праводзяцца следчыя дзеянні і аператыўна-вышуковыя мерапрыемствы, накіраваныя на высвятленне асобы мужчыны.
Калі вы ведаеце нешта пра мужчыну на фота, СК просіць паведаміць ва УСК па Мінску праз тэлефон 8 (017) 389 55 55.