Намеснік прэм'ер-міністра Ігар Петрышэнка распавёў, што падчас першай хвалі каранавіруса папуляцыйны імунітэт у Беларусі на ўзроўні 15-20%, піша БелТА.
— Папярэдне папуляцыйны імунітэт пасля першай хвалі COVID-19 у нашай краіне на ўзроўні 15-20%. Больш дакладныя звесткі мы атрымаем, калі будуць праведзены даследаванні за больш працяглы перыяд: за адзін-два гады, — сказаў ён.
Петрышэнка дадаў, што ў тых, хто перахварэў на COVID-19, імунітэт ёсць, але ў некаторых ён нізкі.
— Ва ўсіх тых, хто ўжо перахварэў на каранавірус, імунітэт ёсць. Але тут ёсць пытанне ў яго эфектыўнасці і выяўленасці. На жаль, у некаторых перахварэлых не рэгістраваліся антыцелы або іх узровень быў нізкі. Адсюль вынікае, што ў гэтых людзей быў сфармаваны нізкі імунітэт. І менавіта гэта становіцца прычынай для паўторнага заражэння COVID-19.
