Салдат абвінавацілі ў распаўсюджанні на фронце наркотыкаў, якія вядомыя як «соль». Ужыўшы гэтыя рэчывы, расійскія байцы не змаглі ваяваць і аказаць падтрымку іншаму падраздзяленню, якое патрапіла пад абстрэл УСУ.
У адносінах да байцоў былі ўжытыя «меры выхавання».
Скрын відэа 666_mancer / X (Twitter)
Як відаць з відэа, частку байцоў прымусілі капаць вялізную яму, а як мінімум двух мужчын сталі біць палкамі, страляць каля іх з аўтамата і пісталета.
«Вось гэтыя людзі забілі нашых пацаноў з першай роты. Яны нах**ся солі і баяліся самі сябе. Яны проста не пайшлі, пабаяліся, перадалі вось гэтую баязлівасць іншым. Зламалі маральны дух байцоў. І з-за іх загінулі нашыя пацаны з першай роты», — тлумачыць баец.
Скрын відэа 666_mancer / X (Twitter)
Другога вінаватага ў гэты час збіваюць і спрабуюць даведацца, хто прывёз наркотыкі.
«Вось яны прывезлі наркотыкі, соллю накармілі, і пайшлі ў бой», — працягваюцца тлумачэнні і сыплюцца ўдары палкай і стрэлы.
«Станавіся на калені», — чуваць каманда.
«У калена не трэба. Група (будзе — НН), грошы атрымліваць будзе. Костку прастрэль», — раіць нехта.
«Усё, ты 200-ты. Ты ўжо 200-ты ў нас», — заяўляюць байцу.
Але гэта не канец здзекам. «Пацаны. Я вам зараз пашлю гэтае відэа. Я ўжо гэтых людзей пакараў. Запрашаю сюды, каб вы іх пакаралі за нашых пацаноў з першай роты…. Хочаце, прыязджайце сюды. Я вам іх аддам на разарванне», — гаворыць голас за кадрам.
На якім канкрэтна ўчастку фронту і калі гэта адбылося, пакуль невядома.
Чытайце яшчэ:
Афіцэр ФСБ загінуў у выніку абстрэлу машыны памежнікаў у Бранскай вобласці
«Мы закопваемся жыўцом у зямлю, каб прыняць смерць». Як байцы ўкраінскага ГУР выконваюць свае спецаперацыі
Хочеться, щоб швидше цих злочинців вдалося вигнати з України.