Дэманстрацыю правялі фанаты гандбольнага клуба «Зеніт» з Санкт-Пецярбурга.
Учора «Зеніт» правёў выязны матч у рамках SEHA-Лігі з мясцовым клубам «Гомель», у якім перамог з лікам 36:28.
Паводле інфармацыі фанацкіх суполак, у Гомель прыехалі з Санкт-Пецярбурга «два аўтобусы і 80 чалавек сваім ходам». Менавіта яны перад матчам і зладзілі шэсце.
Як выглядае, гомельская міліцыя расійскім фанатам асабліва не перашкаджала, хоць пасля ў фанацкім канале з'явілася паведамленне:
«На выездзе ў Гомель некалькі хлопцаў трапілі па 100% фанацкай тэматыцы пад увагу органаў. Выхад з сітуацыі запатрабаваў немалых фінансавых выдаткаў».
Падрабязнасцяў адносна гэтага пакуль няма.
Чытайце таксама:
Смешны выпадак у Гомелі: са скульптуры Машы і мядзведзя знікла… Маша
У Гомелі прайшоў ператрус на кватэры палітэмігранта, затрымалі яго маці
По заветам Первого!