Як зазначыў Г. Любатынскі, сталічным уладам вядома пра сітуацыю: яна знаходзіцца на пастаянным кантролі, людзі ні ў якім разе не застануцца сам-насам са сваёй праблемай. У Мінгарвыканкаме, адміністрацыі раёна і на пляцоўцы прадпрыемства ўжо праводзіліся нарады па пытанні выплаты заробку. У выніку ў канцы снежня была выплачаная частка запазычанасці. У найбліжэйшы час рашыцца пытанне, каб у поўнай меры выплаціць людзям заробленыя грошы, расказаў чыноўнік.
Г. Любатынскі ўдакладніў, што гаворка ідзе аб прыватным прадпрыемстве — таварыстве з абмежаванай адказнасцю «Рыбакансервавы камбінат «Сталічны», якое з 2022 года арандуе вытворчыя плошчы і абсталяванне ў камунальнага прадпрыемства ААТ «Белрыба».
Cупрацоўнікі камбіната «Сталічны» запісалі зварот да Аляксандра Лукашэнкі, дзе наракалі, што пяць месяцаў не атрымлівалі заробку, а з 8 студзеня наогул знаходзяцца ў прастоі.
Чытайце таксама:
Актывісткі «Руху маці — 328» сабралі больш за паўтысячы подпісаў за амністыю для закладчыкаў
