У паведамленні вайскоўцаў гаворыцца аб крылатай ракеце, «запушчанай гэтай ноччу далёкай авіяцыяй РФ». У паветра быў узняты знішчальнік F-16. Паводле інфармацыі, расійская ракета была ў польскай паветранай прасторы 39 секунд.
«Аб'ект увайшоў у польскую прастору ў раёне горада Асердаў (Люблінскае ваяводства) і заставаўся там 39 секунд. На працягу ўсяго палёту яго назіралі вайсковыя радыёлакацыйныя сістэмы», — гаворыцца ў паведамленні.
Уначы РФ запусціла па Украіне 29 крылатых ракет Х-101/х-555 і 28 «Шахедаў». Збіта з іх 18 ракет і 25 дронаў, паведаміў камандуючы паветраных сіл Мікалай Аляшчук.
Чытайце таксама:
У Севастопалі ноччу грымелі выбухі. Імаверна, атакаваны Чарнаморскі флот. Гарыць нафтабаза
Венгрыя і Славакія адмовіліся пастаўляць снарады Украіне
Cённяшняя атака на энергасістэму Украіны — найбуйнейшая за ўвесь час вайны
