Эван Ньюман — удзельнік штурму Капітолія ў студзені 2021 года. За гэта ён стаў абвінавачаным па шасці крымінальных справах і ўцёк з США, пакінуўшы жонку і дзяцей.
Цяпер Ньюман жыве ў Брэсце і збіраецца адкрываць рэстаран
«Тут у нас будзе бар, тут кухня. Я хачу, каб наведвальнікі бачылі, з чаго складаецца іх страва — такая вось кухонная дэмакратыя. Таму кухар будзе рыхтаваць проста на стале», — расказаў ён у эфіры СТБ.
У меню будуць толькі найлепшыя амерыканскія стравы, абяцае Ньюман.
Атрымліваць статус бежанца ён не хоча, спадзяецца на беларускае грамадзянства.
Год таму пра Ньюмана ўзгадвалі, калі ён уладкаваўся настаўнікам у школу замежных моваў у Брэсце.
7
8
31
1
0
8
