Гандбалісты мінскага «Дынама» выйшлі ў групавы этап Лігі чэмпіёнаў, заняўшы першае месца ў кваліфікацыйнай групе 2. Турнір прайшоў 3–5 верасня ў Партугаліі.
Беларуская каманда выйграла ў македонскага «Металурга» — 27:21, запарожскага ЗТР — 29:28 і згуляла ўнічыю з гаспадарамі, клубам «Порту», — 23:23.
Выніковае становішча: «Дынама» — 5 ачкоў (розніца мячоў 79–72), «Порту» — 4 (74–67), ЗТР — 2 (73–79), «Металург» — 1 (68–76).
На групавым этапе «Дынама» згуляе ў групе С з камандамі «Чэхаўскія мядзведзі» (Расія), «Альборг» (Данія), «Пік» (Венгрыя), «Вальядалід» (Іспанія) і «Шафхаўзен» (Швейцарыя).
0
0
0
0
0
0
